Shqyrtimi i pretendimeve (ankesave) të klientëve

Paysera përpiqet të sigurojë cilësinë më të lartë të shërbimit. Nëse besoni se i kemi shkelur të drejtat ose interesat tuaja legjitime gjatë ofrimit të shërbimeve, keni të drejtë të paraqitni një pretendim (ankesë).

Si të paraqitni një pretendim (ankesë)?

Përmes email-it

Dërgoni pretendimin nga adresa personale e email-it e treguar në llogarinë tuaj në: [email protected].

Online

Plotësoni formularin e kërkesës në seksionin Na shkruani të faqes sonë.

Personalisht

Plotësoni pretendimin në Qendrën e Shërbimit për Klientë në Pilaitės pr. 16, Vilnius.

Përmes postës

Dërgoni pretendimin e nënshkruar në: Pilaitės pr. 16, Vilnius.

Ankesa mund të paraqitet jo më vonë se 3 muaj prej momentit kur jeni njoftuar për shkeljen e të drejtave ose interesave tuaja legjitime.

Çka duhet të përfshihet në ankesë?

Që ne të mund ta shqyrtojmë kërkesën tuaj pa probleme, ju lutemi përfshini në pretendim sa vijon:

Emrin dhe mbiemrin ose emrin e kompanisë dhe adresën.

Të dhënat e kontaktit: numrin e telefonit ose adresën e email-it.

Datën e paraqitjes së pretendimit.

Thelbin e pretendimit: cilat të drejta ose interesa janë shkelur.

Kërkesat konkrete ndaj kompanisë.

Çdo dokument mbështetës që keni në dispozicion.

Nëse ankesa paraqitet nga një përfaqësues i autorizuar, duhet të paraqitni dokumentet që vërtetojnë autorizimin – si për shembull marrëveshjen e përfaqësimit.

Procesi dhe afatet e shqyrtimit të ankesës

Pranimi dhe regjistrimi i ankesës

Jo më vonë se 1 ditë pune pas pranimit të ankesës, do t'ju njoftojmë se ankesa është pranuar dhe regjistruar.

Dhënia e përgjigjes

Konsumatorëve do t'u japim përgjigje brenda 15 ditëve të punës. Në raste të jashtëzakonshme, ky afat mund të zgjatet deri në 35 ditë pune, për çka do t'ju njoftojmë.
Jo-konsumatorëve: do t'u japim përgjigje brenda 30 ditëve kalendarike.

Vendimi

Nëse nuk pajtoheni me vendimin tonë ose keni marrë një përgjigje negative, keni të drejtë t'i drejtoheni Bankës së Lituanisë brenda një viti prej datës së paraqitjes së ankesës. Këtë mund ta bëni duke u kyçur në Portalin Elektronik të Qeverisë, duke dërguar email në [email protected] ose [email protected], ose duke vizituar zyrën e Bankës së Lituanisë në Totorių g. 4, LT-01121 Vilnius.